حبيب نينو

 

بعد حرب المطار وأرتفاع سعر الدولار أتجهوا شباب واجدين أنه يتاجروا بالدولار والزحمة ألي في المشير تأكد الشيء هذا ، لاكن واجدين مايعرفوش أو ماحسوش أنه تجارة الدولار حاجة مش مستدامة وفي نفس الوقت ماتقدرش تكسب منها خبرة كبيرة وثابتة أهم شيء تعرف تعرض دولاراتك بسعر السوق وتبيع وتثبت وتاخد الأحتياطات باش ماينصب عليك ، وهذا كله في حالة الدولة عدلت السعر أو لو رجع سعر الدولار طبيعي كلهم حيكتشفوا أنهم باعوا وشروا بأرباح وخسائر بس بدون خبرة ، تجرة الدولار ماتستفادش منها برا ليبيا وماتستفادش منها لما ينزل الدولار وغيره وغيره

 

المنشور ألي فات تكلمت فيه عن طريقة تعزيز المواطن الليبي البسيط بالتكنولوجيا وكيف أن الشيء هذا ممكن يرفع من جودة الحياة وكتبت أكثر من مرة علي ضرورة التحول الرقمي ، وقلت في النهاية أني حنكتب علي أهم عنصر لتطبيق العملية هذي ، ألي هو المبرمج

المبرمج أهم عنصر في عملية التحول الرقمي وتعزيز الحياة بالتكنولوجيا وأحنا في ليبيا نعانوا من عدم وجود مبرمجين وهذا مداير عائق كبير لصناعة منتجات تحل مشاكلنا ، ومن أكبر أسباب المشكلة هذي عدم ملائمة مخرجات المعاهد والكليات التقنية مع متطلبات السوق ، والشيء هذا يبي وزارة التعليم أدير قرار بتغيير المناهج بما يتناسب مع السوق

لاكن الحل الأسرع والأفضل مرونة ، أنه يندار مخيم تدريبي توا في العطلة الصيفية يدرب ١٠٠٠ طالب علي المجالات المطلوبة حاليا زي برمجة الويب وبرمجة تطبيقات الهواتف الذكية باش ينزلوا الشباب المتخرجين لسوق العمل ، في حالة أحترفوا ٥٠ شخص بس من الألف حيديروا مساهمة كبيرة في صناعة المنتجات ألي تحل مشاكل الناس زي النقل وغيره ، وعادي حتى أعتبروا المشروع نموذج مصغر من مبادرة مؤسسة دبي المستقبل لتدريب مليون مبرمج عربي ، وهما ماداروا المبادرة هذي ومادفعوا لفلوس والجوائز هذي إلا علما منهم بمدى تأثير وجود مبرمجين في أي مجتمع يساعدوا في حل المشاكل عن طريق التكنولوجيا

باهي من يدعم المشروع هذا ؟!
المفروض يتم دعمه من الشركات الكبرى خاصة شركات الأتصالات زي الليبيانا والمدار وحتى الشركات الخاصة الكبيرة زي النسيم ويكلفوا منظمات تكنولوجيا زي هكسا أو غيرها لأداراة وقيادة الموضوع هذا ، وفي المستقبل حيشبحوا حجم التأثير ألي حيديروه المبرمجين بعد يحلوا مشاكل المجتمع

حاليا في مجهود كبير ومشابه في بنغازي لعمل مواضيع زي هكي من شركة تطوير للأبحاث وكانت خطوة الحاضنة ألي داروها أيضا كويسة ، فا نتمنوا أنه يتم عمل المخيم في طرابلس في الصيف والتوسع لبنغازي والجنوب في المستقبل باش نسرعوا في عملية التحول الرقمي

 

والله أعلم
حبيب نينو

 

في شاب في ٢٠٠٨ أسمه بريان تشيسكي مشى هو وصديقه لي سان فرانسيسكو بيحضرو مؤتمر في التصميم ، بس ماحصلوش ولا غرفة فاضية في الفنادق وماكانش عندهم فلوس يأجرو شقة بروحهم فا واحد منهم أقترح أنه يشوفوا شريك يدفع معاهم الأجار بس المشكلة أنهم مايعرفو حد ، فا قالو نديرو موقع و نحطو أعلان علي النت ، وفعلا بدأ الموقع وحصلوا ٣ أشخاص يشاركوهم في السكن ، بعد المؤتمر عجبهم الموضوع وشافو أنه ممكن يولي بزنس فا أستمروا في تطوير الموقع وفكرته والبحث عن مستثمرين وبدأ الموقع ينجح وبتمويل نفسهم عن طريق بيع منتجات ( زي كورنفلكس ) بعدين حصلو ٢٠ الف دولار من حاضنة واي كومبينتور ، وبعد سنة كاملة التطبيق ميزال كان دخله ضعيف ويعادل ٢٠٠ دولار في الاسبوع ، لي قدرو يقنعو مستثمر في ٢٠٠٩ يعطيهم ٦٠٠ الف دولا باش يكبرو العمليات ، وفي ٢٠١١ خدو مايقارب ٢٠ مليون من مجموعة مستثمرين ، وقعدت الأستثمارات تجيهم لي سنة ٢٠١٦ خدو ٨٠٠ مليون دولار من غوغل ، وحاليا قيمتهم السوقية فوق من ٣٠ مليار دولار ومؤسسها عمره ٣٧ سنة وخريج تصميم مش أستثمار وتعتبر حاليا أكبر شركة سكن تشاركي في العالم ، والمضحك في الموضوع أنه فنادق هيلتون ألي يخدمو من ٥٠ سنة قيمتهم مافاتت ٢٥ مليار وماقدروش ينتشرو في العالم زي المشروع هذا والمدة ألي فاتت فنادق هيلتون رافعين قضية في المحكمة علي الموقع انه حيقضي علي الفندقة والعمالة ألي فيها ويعتبر Airbnb اليوم أكبر فندق في العالم لايملك أي مبني سكني خاص به

علعموم قبل يومين في خبر منتشر وفرحانين بيه جماعة المؤسسة الليبية للأستثمار بأفتتاح أحد صناديقهم فندق في تونس ، وكاتبين أنه كلف مايقارب ١٧٠ مليون دينار والمشروع تعطل لمدة ٧ سنين ، لفلوس هذيم كان مشو صبوهن في تطبيقات السكن التشاركي ألي موجودة في أفريقيا أو أوروبا لعادت علي ليبيا بلملايين وفي أسرع مدة ويعطيك موطئ قدم في أكبر الشركات التقنية في العالم ، ال١٧٠ مليون هذيم تقدر بدال لاتكون في تونس تدعم بيهم أكثر من ١٧٠ شركة في دول العالم

صندوق ليبيا السيادي عنده حاجتين باش يزيد يرفع من قيمته أو باش يستمر ، وهذي أساسها الأستثمار في صناعات المستقبل وخاصة السريعة النمو كمثال أستثمار صندوق السعودية السيادي في تطبيق أوبر للنقل التشاركي وأستثماره في شركة نون للتجارة الألكترونية وأستثماره في سوفت بانك والشيء هذا يبدأ من الأستثمار في صناديق أستثمار بمعني يدير صندوق الصناديق زي السعودية والصندوق هذا تعامله مع صناديق الأستثمار في مختلف أنحاء العالم ، يشوف الصناديق الناجحة وييستثمر فيهم وبدورهم هما يستثمرو في الشركات كلا حسب مجاله ، والشيء التاني أنه يديرو صندوق أستمار مخاطر في الشركات الناشئة وهذا الشيء متجهله العالم بالكامل والصندوق هذا يستثمر في شركات ناشئة والشيء هذا يساعد أنه يكتسبوا خبرة ويتم توطين فلسفة الشركات الناشئة والأستمار فيها هنا ليبيا

لازم أحنا نقرو ونستفادوا من التجربة الأماراتية والقطرية والكويتية ولو أختلفنا معاهم سياسيا ، لأن لما يكون عندك صندوق سيادي عنده أستثمارات في معظم دول العالم وخاصة القوية حيكون عندك سلة متنوعة العلاقات السياسية والأقتصادية ويكون عندك حلفاء ، وهذا ألي مسير العالم توا

والله أعلم
حبيب نينو

ﺃﻛﺜﺮ ﺷﺨﺼﻴﺔ ﻻﺯﻡ ﻳﺘﻌﻠﻤﻮ ﻣﻨﻬﺎ ﺍﻟﺸﺒﺎﺏ ﺷﻦ ﻳﻌﻨﻲ ﺃﻧﻚ ﺗﺤﺐ ﻣﺠﺎﻝ ﻭﺗﺒﺬﻝ ﻓﻴﻪ ﺟﻬﺪ ﻭﺗﺤﺒﻪ ﻭﺗﻜﻮﻥ ﻓﻴﻪ ﺍﻷﻓﻀﻞ ﻭﺷﻨﻲ ﻳﻌﻨﻲ ﺃﻧﻚ ﻣﻊ ﺍﻟﺸﻲﺀ ﻫﺬﺍ ﺃﻟﻲ ﺗﺤﺒﻪ ﺃﺩﻳﺮ ﻣﺸﺮﻭﻉ ﻃﻠﻊ ﻣﻨﻪ ﻓﻠﻮﺱ ﻳﻌﻴﺸﻚ ﺣﻴﺎﺓ ﻛﺮﻳﻤﺔ ﻭﻣﻨﻪ ﻳﺨﻠﻴﻚ ﻣﺎﺗﻨﻘﻄﻌﺶ ﻋﻠﻲ ﺍﻟﺸﻲﺀ ﺃﻟﻲ ﺗﺤﺒﻪ ﻣﺎﻧﻌﺮﻓﺶ ﺷﻦ ﻫﻮ ﺍﻟﺸﻲﺀ ﺃﻟﻲ ﺑﺪﻳﺮﻩ ﺑﺎﺵ ﻃﻠﻊ ﻓﻠﻮﺱ ﻫﻞ ﻫﻮ ﺧﺪﻣﻲ ﺗﺠﺎﺭﻱ ﺻﻨﺎﻋﻲ ﺗﻘﻨﻲ ﻣﺶ ﻋﺎﺭﻑ ﻟﻜﻦ ﺃﺣﺴﻦ ﺷﺨﺼﻴﺔ ﻧﻌﺘﺒﺮﻫﺎ ﻓﻲ ﺍﻟﻌﺎﻟﻢ ﻧﺠﺤﺖ ﻓﻲ ﺍﻟﺸﻲﺀ ﻫﺬﺍ ﻛﺮﺳﺘﻴﺎﻧﻮﺭﻭﻧﺎﻟﺪﻭ

ﺍﻟﺸﺨﺺ ﻫﺬﺍ ﺧﺎﻃﻲ ﺍﻟﺠﻮﺍﺋﺰ ﻭﺍﻟﻤﺮﺍﻛﺰ ﻭﺍﻟﻤﻌﺠﺒﻴﻦ ﺃﻟﻲ ﻋﻨﺪﻩ ﺳﻮﺍﺀ ﻋﻠﻲﺃﺭﺽ ﺍﻟﻮﺍﻗﻊ ﻭﻻ في ﺍﻟﻌﺎﻟﻢ ﺍﻷﻓﺘﺮﺍﺿﻲ ﺃﻟﻲ ﻓﺎﺗﻮ ١١٨ ﻣﻠﻴﻮﻥ ﻣﺘﺎﺑﻊ ﻋﻠﻲ ﺍﻟﻔﻴﺲ ﺑﻮﻙ ﻭﻗﺮﻳﺐ ٥٠ ﻣﻠﻴﻮﻥ ﻋﻠﻰ ﺗﻮﻳﺘﺮ ﻭ٨٥ ﻣﻠﻴﻮﻥ ﻋﻠﻰ ﺃﻧﺴﺘﻘﺮﺍﻡ ﻗﺪﺭ ﻳﻮﻇﻒ ﺍﻟﺸﻲﺀ ﻫﺬﺍ ﻛﻠﻪ ﻓﻲ ﺯﻳﺎﺩﺓ ﺩﺧﻠﻪ ﺍﻟﻤﺎﻟﻲ ﻭﺃﻟﻲ ﻳﻮﺻﻒ ﻓﻴﻪ ﻫﻮ ﺑﺄﻧﻪ ﺑﺎﺵ ﻳﻜﻮﻥ ﻭﺳﻴﻠﺔ ﻟﻌﻴﺸﻪ ﺣﻴﺎﺓ ﻛﺮﻳﻤﺔ ﺑﻌﺪ ﺗﻘﺎﻋﺪﻩ ، ﻭﻣﻦ ﺍﻟﻤﺘﻮﻗﻊ ﻳﻮﻟﻲ ﻛﺮﻳﺴﺘﻴﺎﻧﻮ ﺃﻭ ﻻﻋﺐ ﻣﻠﻴﺎﺭﺩﻳﺮ ﻓﻲ ﺍﻟﻌﺎﻟﻢ

ﻛﺮﺳﺘﻴﺎﻧﻮ ﻭﻇﻒ ﺍﻟﺸﻬﺮﺓ ﺃﻟﻲ ﺗﺤﺼﻞ ﻋﻠﻴﻬﺎ ﻣﻦ ﻋﻘﻮﺩﻩ ﻣﻦ ﺷﺮﻛﺔ ﻧﺎﻳﻚ ﻟﻠﺪﻋﺎﻳﺔ ﻋﻠﻲ ﺃﺣﺬﻳﺘﻬﺎ ﺍﻟﺮﻳﺎﺿﻴﺔ ﺧﺎﺻﺔ ﺑﻔﺘﺢ ﺷﺮﻛﺔ ﻟﻮﺣﺪﻩ ﺧﺎﺻﺔ ﺑﺼﻨﺎﻋﺔ ﺍﻷﺣﺬﻳﺔ ﺍﻟﻔﺎﺧﺮﺓ ﺍﻟﺮﻳﺎﺿﻴﺔ ﻭﺍﻟﺮﺳﻤﻴﺔ ﻛﺎﻟﺠﻠﺪﻳﺔ ، ﻃﺒﻌﺎ ﺻﺎﺭﻥ ﺷﻮﻳﺔ ﻣﺸﺎﻛﻞ ﻗﺎﻧﻮﻧﻴﺔ ﻣﻊ ﻧﺎﻳﻚ ﻻﻛﻦ ﺣﻠﻮﻫﻢ ﻭﺍﻟﻤﺪﺓ ﺃﻟﻲ ﻓﺎﺗﺖ ﻭﻗﻊ ﻋﻘﺪ ﻣﻊ ﻧﺎﻳﻚ ﻟﻤﺪﻱ ﺍﻟﺤﻴﺎﺓ ﻭﻳﻌﺘﺒﺮ ﺃﻭﻝ ﻻﻋﺐ ﻳﻮﻗﻊ ﻋﻘﺪ ﻣﻊ ﻧﺎﻳﻚ ﻣﺪﻱ ﺍﻟﺤﻴﺎﺓ ، ﺍﻟﻌﻼﻣﺔ ﺃﻟﻲ ﺃﻃﻠﻘﻬﺎ ﻭﺃﻟﻲ ﻫﻴﺎ CR7 ﺗﻮﺳﻌﺖ ﻟﺘﺸﻤﻞ ﺑﻌﺪﻳﻦ ﻋﻄﻮﺭ ﻭﺃﻏﻄﻴﺔ ﻣﻔﺮﻭﺷﺎﺕ ﻭﺑﻌﺾ ﺍﻷﺯﻳﺎﺀ وﺗﻮﺳﻌﺖ ﺃﻋﻤﺎﻟﻪ ﻟﺘﺸﻤﻞ ﻓﻨﺪﻕ ﺑﺄﺳﻢ CR7 ﻓﻲ ﺍﻟﺒﺮﺗﻐﺎﻝ ﻭﻣﺘﺤﻒ CR7 ﻭﺑﻌﺾ ﺍﻷﻧﺸﻄة ﺍﻷﺧﺮﻱ ، ﻛﺮﺳﺘﻴﺎﻧﻮ ﻗﺎﻝ ﺃﻧﻪ ﻟﻮ ﻟﻢ ﻳﻤﺘﻠﻚ ﻓﺮﻳﻖ ﺟﻴﺪ ﻳﺼﻨﻊ ﻣﻨﺘﺞ ﺣﺴﺐ ﺭﺅﻳﺘﻪ ﻣﻊ ﺳﻤﺎﻉ ﻧﺼﺎﺋﺢ ﺍﻟﻔﺮﻳﻖ ﻭﺭﺩﺓ ﻓﻌﻞ ﺍﻟﺰﺑﺎﺋﻦ ﻭﺭﻛﺰ ﻋﻠﻲ ﺟﻤﻠﺔ ﺳﺒﺐ ﻧﺠﺎﺣﻲ ﺃﻣﺘﻼﻛﻲ ﻓﺮﻳﻖ ﺟﻴﺪ ﻃﺒﻌﺎ ﺧﺎﻃﻲ ﻫﺬﺍ ﻗﺪﺭ ﻳﻮﻇﻒ ﺷﻬﺮﺗﻪ ﻣﺎﺩﻳﺎ ، ﺩﺧﻞ ﻛﺮﺳﺘﻴﺎﻧﻮ ﻣﻦ ﺍﻷﻋﻼﻧﺎﺕ ﺃﻟﻲ ﻳﻮﺻﻞ ﻟﻲ ٢١ ﻣﻠﻴﻮﻥ ﺩﻭﻻﺭ ﺳﻨﻮﻳﺎ ﻭﻣﻦ ﺍﻟﻤﺘﻮﻗﻊ ﻳﺰﻳﺪ ﻣﻊ ﺃﻛﺜﺮ ﻣﻦ ١٥ ﺷﺮﻛﺔ ﻋﺎﻟﻤﻴﺔ ﺯﻱ ﺳﺎﻣﺴﻮﻧﻎ ﻭﺃﺭﻣﺎﻧﻲ ﻭﺗﻴﻮﺗﺎ ﻭﻏﻴﺮﻫﻢ ، ﻭﻭﺻﻔﺎﺗﻪ ﺃﺣﺪ ﺍﻟﺼﺤﻒ ﺑﺄﻧﻪ ﻻﻋﺐ ﻛﺮﺓ ﻗﺪﻡ ﻭﻟﻮﺣﺔ ﺃﻋﻼﻧﺎﺕ ﻓﻲ ﺍﻟﻤﻠﻌﺐ ‏( ﻭﻓﻲ ﻓﻴﺪﻳﻮ ﺳﺎﺧﺮ ﻋﻠﻲ ﺍﻟﻤﻮﺿﻮﻉ ﻫﺬﺍhttp://cutt.us/PU8RM )

ﻃﺒﻌﺎ ﻭﺍﺟﺪﻳﻦ ﻳﻘﻮﻟﻮ ﺃﻥ ﺻﻌﺐ ﺗﻨﺠﺢ ﻓﻲ ﻣﺠﺎﻟﻴﻦ ﻭﺃﻧﻲ ﻣﺜﻼ ﻧﺤﺐ ﻣﺠﺎﻝ ﻣﻌﻴﻦ ﻭﻣﺎﻧﻘﺪﺭﺵ ﻧﻄﻠﻊ ﻣﻨﻪ ﻓﻠﻮﺱ , ﻣﺶ ﺷﺮﻁ ﺃﻃﻠﻊ ﻣﻨﻪ ﺑﻔﻠﻮﺱ ﻟﻮ ﻛﺎﻥ ﻋﺎﻃﻴﻚ ﺍﻟﺴﻌﺎﺩﺓ ﻷﻧﻪ ﻣﺮﺍﺕ ﺍﻟﺸﻲﺀ ﺃﻟﻲ ﻳﻄﻠﻌﻠﻚ ﻟﻔﻠﻮﺱ ﻣﺎﻳﻌﻄﻴﻜﺶ ﺍﻟﺴﻌﺎﺩﺓ , ﻓﺎ ﻋﻴﺶ ﺃﻧﺘﺎ ﺳﻌﻴﺪ ﻓﻲ ﺍﻟﺸﻲﺀ ﺃﻟﻲ ﺗﺤﺒﻪ ﻭﺃﺳﻌﻰ ﻟﺒﻨﺎﺀ ﺃﻭﺃﺩﺍﺭﺓ ﻋﻤﻞ ﻳﻄﻠﻌﻠﻚ ﻓﻠﻮﺱ ﺑﺎﺵ ﺗﻌﻴﺶ ﺣﻴﺎﺓ ﻛﺮﻳﻤﺔ ﻭﻣﺎﺗﻨﺸﻐﻠﺶ ﻋﻠﻲ ﺍﻟﺸﻲﺀ ﺃﻟﻲ ﺗﺤﺒﻪ ﻭﻫﺬﺍ ﻣﺎﻳﺠﻲ ﺇﻻ ﺑﺎﻟﻌﻤﻞ ﺍﻟﺠﺎﺩ ﻭﺍﻟﺘﺮﻛﻴﺰ ﻭﻛﺎﻥ ﺟﺎﻙ ﺣﺪ ﻗﺎﻟﻚ ﻫﺬﺍ ﻣﺶ ﻣﺠﺎﻟﻚ ﻭﺻﺎﺣﺐ ﺻﻨﻌﺘﻴﻦ ﻛﺬﺍﺏ ﺗﺬﻛﺮ ﻛﺮﺳﺘﻴﺎﻧﻮ ﻛﻤﺜﺎﻝ ﻛﻮﺭﺓ ﻋﻠﻲ ﻋﻄﻮﺭ ﻋﻠﻲ ﺃﺣﺬﻳﺔ ﻋﻠﻲ ﺳﺎﻋﺎﺕ
ﻓالنهاﻳﺔ ﻫﺬﺍ ﻟﻘﺎﺀ ﻛﺮﺳﺘﻴﺎﻧﻮ ﻣﻊ ﺃﻭﻝ ﻗﻨﺎﺓ ﻋﺮﺑﻴﺔ ﻃﺒﻌﺎ ﻣﺎﻧﺴﺤﺎﺑﺶ ﺃﻧﻪ ﻛﺮﺳﺘﻴﺎﻧﻮ ﻋﺎﻳﺶ ﺣﻴﺎﺗﻪ ﺑﻔﻠﺴﻔﺔ ﻭﻋﻨﺪﻩ ﻧﻈﺮﺓ ﻓﻲ ﺍﻟﺤﻴﺎﺓ ﺯﻱ ﻫﻜﻲ :
https://m.youtube.com/watch?v=fiqBRcMZWyI
ﻭﻫﺬﺍ ﻓﻴﺪﻳﻮ ﻻﺯﻡ ﻻﺯﻡ ﻻﺯﻡ ﺗﺤﻀﺮﻭﻩ ﻋﻨﻮﺍﻧﻪ ﻟﻤﺎﺫﺍ ﻻﻳﻜﺘﻔﻲ ﻣﻨﺎ ﺍﺍﻟﺒﻌﺾ ﻣﻨﺎ ﺑﺸﻐﻒ ﻭﺍﺣﺪ ﻓﻘﻂ ؟ ﻭﺍﻟﻔﻴﺪﻳﻮ ﻫﺬﺍ ﻳﻘﻀﻲ ﻋﻠﻲ ﻧﻈﺮﻳﺔ ﺍﻟﻠﻴﺒﻴﻴﻦ ﻣﺘﺎﻉ ﺻﺎﺣﺐ ﺻﻨﻌﺘﻴﻦ ﻛﺬﺍﺏ ﻭﻛﺎﺷﻴﻜﻴﻦ ﻓﻲ ﺍﻟﻔﻢ ﻳﺸﺮﻛﻨﻪ ﻭﻏﻴﺮﻫﺎ ﻣﻦ ﺍﻷﻣﺜﺎﻝ ﺍﻟﺘﻲ ﻋﻔﻰ
ﻋﻠﻴﻬﺎ ﺍﻟﺰﻣﻦ : http://cutt.us/y5F1O

ملاحظة : هذا مايعني أنه كرستيانو ماعنده أخطاء في حاجات تانية لاكن أني هنا نتكلم علي كرستيانو من ناحية الرياضة والأعمال والشغف أما هو شخصيا عنده أخطاء وحاجات أحنا كمسلمين نعتبروهم غلط
ملاحظة تانية : المنشور منزله من قبل في قروب بس بعد الهدف متاع أمس تذكرته وقلت خل نزله

ﻭﺍﻟﻠﻪ ﺃﻋﻠﻢ
ﺣﺒﻴﺐ ﻧﻴﻨﻮ

قبل ١٠ أيام أعلنت علي بابا للتجارة الألكترونية عن شراء وزيادة حصتها في شركة لازادا للتجارة الألكترونية وهي شركة تابعة لروكيت أنترنت الألمانية وتعمل الشركة في كلاً من إندونيسيا وماليزيا والفلبين وسنغافورة وتايلاند وفيتنام ، تعتبر الحصة التي أشترتها علي بابا وبقيمة ٢ مليار هيا ثالث حصة بعد شرائها لـ ٥١٪ في السابق وإيصالها لـ ٨٣٪ والأن تم زيادة المبلغ ليصل المجموع إلي ٤ مليار مما منح أيضا الشركة الصينية القدرة علي تغيير رئيس مجلس الأدارة ووضع لوسي تينغ وهو من المؤسسين القدامي لعلي بابا

الغرض من الكلام هذا كله ، أنه في ميزة في الدول النامية أو حتى الدولة الغير مؤمنة زي ليبيا والعراق وغيره ، أنه في سوق بس مخوف الشركات الأجنبية يدخلو ( طبعا سوق ليبيا صغير أكثر مما يتصور الواحد ) وعدم وجود بيانات عن هذي الأسواق يخلي الشركات الأجنبية ماعندهاش مراجع تبني عليها قرارات الدخول لهذا السوق ، بس روكيت أنترنت أني نشبح فيهم كأنهم تجار سلاح وصياع سوق ، مستعدين يخدمو في أي مكان في العالم خاصة الدول النامية في أفريقيا وأسيا وعندهم خبرة ومرونة وخبرة خلتهم حققو العديد من النجاحات وطبعا هذا ماجاش في يوم وليلة ، جاء بعد ٢٠ سنة صياعة في ريادة الأعمال وتأسيس أكثر من ٧٨ شركة وأستثمار في العديد من الشركات زي فيسبوك مثلا

الغرض الأدق من الكلام هذا ، أنه في شركات كبيرة في العالم مش فاهمة سوق زي الفلبين مثلا أو زي السنغال أو ساحل العاج شن أدير تجي أدور من أكبر شركة محلية تخدم في المجال المشابه لي مجالها في الدولة هذي والمنطقة هذي ويحللوها ويشوفو كم ليها تخدم وقوة فريقها وفهمها للسوق ويجو يستحوذو عليها هكي أرخصلهم من أنه يخشوا جدد ولو بسكان محليين ياخد منهم وقت للتعريف بالعلامة التجارية وفهم السوق وغيره وفي أمثلة كبيرة في المنطقة دخول أمازون للسوق العربي بصورة أشمل بأستحواذها علي موقع سوق ب٦٩٠ مليون ، دخول ياهو للسوق عبر الأستحواذ علي مكتوب ب١٨٠ مليون ، دخول باندا فود لسوق الكويت والخليجي عبر الأستحواذ علي تطبيق طلبات ب١٧٠ مليون ودخولها للسعودية عبر الأستحواذ علي هنقر ستيشن بصفقة لم يعلن عنها ، نفس السياسة أطبق فيها الشركات الصينية زي علي بابا وجي دي وكان أستحواذ علي بابا علي لازادا وحدة من الأسباب وأيضا مستثمرة مليار في Tokopedia وهو سوق تجارة ألكترونية أندونيسي والعديد من الأسثتمارات المشابهة من علي بابا ، والشيء هذا مش صاير في التجارة الألكترونية فقط بل صاير في كل المجالات الريادية وحتى في مجالات السيارات

نصيحتي للشباب خاصة التقننين وألي يخدمو في حاجات ولو كانت برة موجودة ومش مبتكرة ، فهمك للمجال ألي تخدم فيه وإيجادك لنموذج عمل يناسب أوضاع الدولة المزرية ألي أنتا قاعد ، حيفتحلك أبواب واجدة في المستقبل ومنها الأستحواذ ، فا ماتستهينش بشيء ألي أدير فيه وربي يوفق الجميع |

ملاحظة : أخترت أني نتكلم علي لازاد لأنها تخدم في دول تعتبر نامية لاكن علي موضوع الأستحواذات علي بابا مستمر واليوم ٢-٤-٢٠١٨ أعلنو أستحواذهم علي منصة Ele.me لتوصيل الأغذية في الصين بصفقة قيمتها ٩.٥ مليار دولار
بعض المصادر :
https://tcrn.ch/2H5iDOg
https://reut.rs/2q06B0f

حبيب نينو
والله أعلم

 

في ليبيا باش نرفعو من مستوى العديد من الناس ذوي الدخل المحدود أو غيرهم من الطبقة الغير عاملة ، لازم نوفرو دفع ألكتروني لأنه يساعدهم علي أنشاء مشاريع منزلية والبيع لعدد كثير من الناس عن بعد ويساعدهم علي تقليل مصاريف التنقل واللوجستيك وهذا الشيء تم تجربته في الهند ، الدفع الألكتروني ماحيساعد أصحاب المشاريع الصغري فقط ، حيساعد علي نشوء شركات توصيل طعام وتوصيل أفراد زي أوبر وكريم لأنه أساس أستمرار الشركات في العمل هذا هيا النسبة ألي تقتسم فيها مع السواق ، في نفس الوقت وجود طرف وسيط ساعد الزبائن أنه يحصلو شخص يشكوله وياخدلهم حقهم من السواق ، الدفع الألكتروني حيساعد الدولة علي تتبع غسيل الأموال وعلي الأطلاع علي أقتصاد الظل وفهمه ديموغرافيا وجغرافيا ، الدفع الألكتروني حيساعد الشخص يحجز تذكرة عن طريق تطبيق من هاتفه ويخلص بدون لايمشي لمكتب الخطوط وغيره من المواضيع ، الدفع الألكتروني حيساعد المستقلين في ليبيا من مترجمين عبر الأنترنت ومصممين ومبرمجين يخدمو مع أي واحد من ليبيا عن بعد ويخلصهم ويسلمو العمل

مرات الواحد يهزأ علي المبالغ ألي يوفر فيهم الدفع الألكتروني في ليبيا مع أنه عددنا صغير لاكن كان تحسب لفلوس ألي يدفع فيهم الشخص للتاكسي باش يمشي للمصرف او باش يمشي للمطعم او باش يمشي يقص تذكرة وتضربه في سنة كاملة وفي متوسط نص مليون موظف ليبي حيطلعك رقم كبير ( مرات أنك عندك المصاريف هذين كان ١٠٠ دينار شوية لاكن عند ناس تانية تفرق )

الخلاصة : لا وجود لتحول رقمي من دون دفع ألكتروني وحاليا من أنسب طرق الدفع الألكتروني ألي متواجدة سداد صح في طور التجريب والأنتشار ولكن قبولها لصكوك ألكترونية من مختلف المصارف فيه مرونة أكثر ونتمنى في المستقبل تكون مربوطة بالحساب طول وفي نفس الوقت تبعيتها لشركة المدار شيء كويس لأنه المدار فيها الناس عندهم فكر التحول الرقمي والتحول لأقتصاد المعرفة

المميزات ألي كتبتهم عن الدفع الألكتروني وتأثيره في حياة الناس غيض من فيض خشو علي النت تلقوا تقارير ودراسات تفصل الموضوع أكثر

والله أعلم
حبيب نينو

ناس واجدين في ليبيا يبيعو عن طريق الفيس ، بس في حالة الشخص ماقدرش يوصل جميع الطلبات ألي باعهم حيولي زيه زي المحل العادي ، وديما صاحب المتجر الصغير علي الأنترنت سواء كان صفحة أو متجر أو تطبيق يبدأ صغير ومرات أمكانياته مايسمحوش أنه يكون عنده سيارة باش يوصل بيها ، من هنا لجأ العالم لشركات التوصيل ألي هيا تجي تاخد الطلبية من صاحب المتجر وتوصلها للزبون وفي بعض الأوقات تقوم حتى بعملية تحصيل الأموال من الزبائن لصاحب المتجر
مجال توصيل واللوجستيك مجال كبير وقيمته مليارات ويعتبر من أسباب نجاح التجارة الألكترونية وهو من الأسباب ألي خلت محمد العبار يشري حصة فادي غندور في أرماكس قبل لايبدأ منصة نون ، وهو ألي خلى أمازون تستمر فيه المليارات لتطوير طرق التوصيل ، والشيء هذا مايشمل توصيل البضائع فقط بل يشمل حتى توصيل الطعام ألي يعتبر سوق كبير

في المدة الفائتة فتحت هنا في ليبيا شركة أسمها VANEX يساعدو في أصحاب صفحات الفيس والشركات الناشئة وغيرها من المتاجر الألكترونية من توصيل البضائع لزبائنهم ، وكانت خطوة جيدة منهم لأنه السوق يفتقد الشيء هذا وفي ألي قدم الخدمة في السابق لكن مش بأحترافية فا نتمني لفريق ڤانكس التوفيق وأي حد عنده متجر ويبي من يوصله يشوف ڤانكس 🙂

 

والله أعلم
حبيب نينو

 

باش أحنا في ليبيا نتحولو للعالم الرقمي وباش تكون حلول المشاكل ألي عندنا تقنية ، لأنها الأسرع والأقل تكلفة لازم يكون عندنا عدد كبير وكافي من المبرمجين ألي مستعدين يحولو أفكار الناس إلي منتجات ، وحاليا أحنا في ليبيا نعانو من عدم توافق أو مناسبة مخرجات الكليات مع متطلبات السوق ، وهذا مسبب أنه في ندرة في مبرمجين الأيفون والأندرويد وهذا يخلي الواحد بدال لايمشي يشوف مبرمج يحوله فكرته لي منتج واقعي وينضم معاه للفريق ، يضطر أنه يدور شركة تخدمله الشيء هذا وبأسعار الدولار الحالية في ليبيا مايقدرش يخدم برا ليبيا فا يضطر أنه يخدم مع شركة محلية ونادر تحصل شركة محلية ذات كفاءة ، بس في شباب واجدين قعدوا يأسسوا في شركات زي وي كرييت وسديم وحتى العنكبوت الليبي كويسين فا نتمنوا من الشركات هذي تحسن جودة عملها وتبني أفرقة قوية باش تحقق أماني أصحاب الأفكار لتحويل أفكارهم إلى شيء واقعي وهذا ألي يصنع قصة نجاح

والله أعلم
حبيب نينو

 

نشرت وكالة We Are Social وبالتعاون مع شركة Hootsuite تقريرها الرقمي عن العالم لعام ٢٠١٧ وكشفت وصول عدد مستخدمي الأنترنت في العالم ٤ مليار أي أكثر من نصف سكان العالم وساهمت الأجهزة الذكية الرخيصة في دخول ٢٠٠ مليون شخص لعالم الأنترنت في ٢٠١٧ و٢٠٪ من هذا النمو كان في أفريقيا ويبلغ عدد مستخدمي وسائل التواصل الأجتماعي 3.196 مليار في العالم ويبلغ عدد مستخدمي الهواتف النقالة حوالي 5.135 مليار وعدد شفرات الأتصال 8.485 مليار

وبالنسبة لشبكات التواصل الأجتماعي مازال الفيس بوك يهيمن علي العالم حيث يقضي الناس مامعدله ٦ ساعات يوميا علي الأنترنت ٤ منها علي الفيس بوك كما زاد عدد المراهقين بي ١٣ – ١٧ في سنة ٢٠١٧ بالنسبة ٥٪ كمستخدمي جدد في الفيس بوك ووصل عدد مستخدميه 2.17 مليار مستخدم ويليه يوتيوب وواتس اب وفيسبوك ماسنجر وويشات وتطول القائمة

وبالنسبة للتجارة الألكترونية زاد الأنفاق العالمي ١٦٪ وبلغ أجمالي الأنفاق ١.٥ ترليون حسب بيانات Statista وتمثل الأزياء أكثر فئة ، وعلى الصعيد العالمي ارتفع عدد الأشخاص الذين يستخدمون منصات التجارة الإلكترونية لشراء السلع الاستهلاكية (مثل الأزياء والمواد الغذائية والإلكترونيات والألعاب) بنسبة 8٪ ، حيث يشتري الآن ما يقرب من 1.8 مليار شخص في جميع أنحاء العالم من الأنترنت كما أن المبلغ الذي ينفقه كل شخص على التجارة الإلكترونية آخذ في الازدياد، حيث ارتفع متوسط ​​الإيرادات لكل مستخدم بنسبة 7 في المائة على أساس سنوي ليصل إلى 833 دولارا. البريطانيون هم أكبر المنفقين على التجارة الإلكترونية، مع الإنفاق السنوي في المملكة المتحدة الآن أكثر من 2000 دولار أمريكي لكل مستخدم ، ومن الجدير بالذكر أن هذه مجرد أرقام للسلع الاستهلاكية ، إذا أضفنا إنفاقا على فئات أخرى مثل السفر والمحتوى الرقمي وتطبيقات الجوال، فمن المرجح أن تكون القيمة الإجمالية للتجارة الإلكترونية العالمية أقرب إلى 2 تريليون دولار أمريكي

وبالنسبة لسرعات الأنترنت تميزت النرويج بمتوسط ٦٠ ميجا للثانية يليها هولندا وسنغافورة والإمارات العربية المتحدة بسرعات اتصال متوسطة تزيد عن 50 ميغابايت في الثانية

** عارف أني طولت عليكم لاكن باش تاخدو صورة عامة عن ألي صاير في العالم **

بالنسبة لليبيا :
١- عدد مستخدمي الأنترنت ٣.٨ مليون وهو يعتبر رقم كبير مقارنة بعدد السكان أي عدد المستخدمين يمثل ٥٩٪ من السكان ( لكن قد يكون السبب أعداد الأجانب )
٢- عدد الشفرات أكثر من ١٠ مليون بنسيبة ١٧٠٪ مقارنة بعدد السكان
٣- عدد الهواتف المتصلة بالأنترنت أكثر من ٣.٥ مليون هاتف
٤- زيادة عدد مستخدمي الأنترنت لعام ٢٠١٧ بنسبة ١٩٪ مايقارب ٦٠٠ ألف مستخدم
٥ – متوسط عمر مستخدمي الأنترنت ٢٩.٤ سنة
٦- عدد مستخدمي أنستجرام شهريا ٨٠٠ ألف مستخدم

وفي العديد من البيانات لم تتوفر كعادة ليبيا في نقص البيانات لوضعها في قوائم التقييم العالمية ( بعض الدول يحددلك أنواع الأجهزة وغيرها الكثير من البيانات )

الأرقام مقارنة بباقي الدول جيدة بس المطلوب فقط من الدولة :
١- العمل علي بناء منصة ألكترونية تعليمية تتناسب مع الثقافة الليبية للأستفادة منها في إيصال المعرفة لمستخدمي الأنترنت ودعم المنصات الموجودة وهذا شور وزارة التعليم
٢ـ العمل علي تحسين المناهج التعليمية الخاصة بالتقنية بما يتناسب مع متطلبات السوق لأن في الوقت الحالي المخرجات غير مناسبة لمتطلبات السوق
٣- علي مزودي الأنترنت مثل ليبيانا والمدار وLTT تحسين الخدمات كالخطوة الجيدة بأطلاق الجيل الرابع ولكن يجب خفض الأسعار ليتسني للكثير الأستفادة بصورة أكمل من الأنترنت
٤- علي الشركات مثل الليبيانا والمدار تحسين خدمات الأنترنت في مناطق الجنوب والشرق ليكون هناك توزيع عادل في خدمات الأنترنت
٥- فتح الباب للشركات الخاصة وتوسعة صلاحياتها لدخول مجال تقديم خدمات الأنترنت

تحسين الأنترنت في ليبيا وتقديم التوعية الصحيحة لطرق الأستفادة منه يمكنها تحسين حياة الناس ويساعدهم علي تطوير قدراتهم الشخصية كما يساعد علي خلق العديد من فرص العمل وفتح مجالات جديدة ، سيساعد شباب الأجيال القادمة الصغار علي الأستقلال وسهولة أنشاء أعمال مبنية علي الأنترنت ، علينا دعم هذا التحول ولنا في دولة مثل الأردن أفضل مثال

باقي تفاصيل البيانات في الصور
شكر لـ منير إشميلة ألي نبهني لنزول التقرير

رابط البيانات التفصيلية لشمال أفريقيا بما فيهم ليبيا :
https://goo.gl/HJTjqa
رابط البيانات التفصيلية لكل دول العالم :
https://goo.gl/y6WG5d

والله أعلم
حبيب نينو