في يوم 13 فبراير 2012 وفي وحدة من قاعات المؤتمرات في فندق ركسوس ، كان في مؤتمر TEDX TRIPOLI  وكان فيه شخص من المتحدثين ، وألي نعتبره من اعظم الشخصيات ألي جت لليبيا بعد جية بيل غيتس عام 2010

الشخص ألي جا تكلم قدام مجموعة من الحضور ألي فيهم فئة لا بأس بها من السياسين وحكام تلك المرحلة ، كان يحكي علي مستقبل تمويل المشاريع  للأفراد بصفة عامة  وأيضا للمبدعين والمصممين والتقنيين وغيرهم

الشخص هذا هو بيري شين perry chen وهو رائد اعمال أمريكي ومؤسس مشارك لمنصة التمويل الجماعي العالمية kickstarter

ببساطة المنصة تخش تسجل وتنزل فيديو عن الابتكار ألي تبي ديره ، سواء كان فيديو او منتج او كتاب او موقع او لعبة وغيره ، وتحط المبلغ المطلوب ، ومدة معينة لتجميع المبلغ

يخشوا الناس ويدعموك كل واحد حسب أمكانياته ، واحد 10 دولار واحد الف وهكذا ، لي توصل للمبلغ المطلوب ، وألي من المفترض بعدين تبدأ بيه مشروعك

كيك ستارتر  ألي تأسست في 2009 ولحد 2019 ساهمت في تمويل مايقارب 44500 ألف مشروع بمبلغ 4.5 مليار دولار عن طريق 17 مليون شخص

المنصة ساعدت مبدعين واجدين علي مستوى العالم أن يطرحوا أفكارهم ويحصلوا تمويل لدرجة أن وحدة من الأفكار جمعت مليون في يوم واحد ، ووحدة من الألعاب جمعت مايقارب 12 مليون دولار

أني ألي ماعرفته أن كيف يجي شخص زي هذا لليبيا ، وكان في أمكانية كبيرة أن يقدملنا خطط باش نديروا منصة تمويل جماعي  خاصة بليبيا ونخلوا الناس يدعموا الشباب في حالة  الدولة ماتبيش تدعمهم ، ولا كيف أصلا ماقنعوه أن يضيف ليبيا للمنصة ، باش الشباب الليبيين يطرحوا افكارهم ويحصلوا تمويل من العالم

أعتقد أن بيري شين حيكون روح متعقد لأن في طهقة 2012 ميزال الليبيين مايعرفوش ريادة الأعمال والسياسيين ماعطوه قدره ، في نفس الوقت مالقاش تقني يعطيه يهدرز معاه بمستوى سيليكون فالي  ، صح مرات تكون منصة ليها 3 سنوات في 2012 ، لكن يسد ان يجيك حد طالع بفكرة ابداعية ومن سليكون فالي هذا بروحه كنز

في النهاية اني مقتنع ، أن الدولة في حالة تبي ترد الروح للشباب يجيبولنا ناس ملهمة في تخصصات غير السياسة وغير مندوبي الأمم المتحدة

جيبو أفضل لاعب في الكورة يلعب مع الشباب وينصحهم ، جيبو تقنيين ينصحوا زملائهم في المجال ، جيبو مصممين ، جيبو رجال أعمال ، مرات تهزوا علي الحاجات هادي ، لكنها حتعطي دفعة معنوية كبيرة للشباب ، لايعطيها غسان سلامة لا غيره

والمرة الجاية بعد تجي شخصية زي هادي ، حطو حتى خطة الاستفادة منه ، مش استقباله وتوديعه فقط

ملاحظة :
– بيري شين في وسط الصورة والي معاه المؤسسين الاخرين في المشروع
– ‏من القامات الي تكلمت ايضا في المؤتمر البرفسور الأقتصلدي الأمريكي  بروس سكوت
– ‏في فيديو لكلمة مؤسس كيك ستارتر في التعليقات ، وفي تدوينة كاملة للمدون Ali Tweel تحكي عن المؤتمر ولي كان ماحضر ماعرفنا من جا ومن حضر ، منور استاذ علي
– للأسف ‏تم أستخدام المؤتمر وهو خاص بالأبداع من بعض السياسيين الليبيين للترويج عن أنفسهم بخروجهم كمتحدثين

تدوينة علي الطويل :

تيدكس طرابلس 2012

فيديو بيري شين :

https://youtu.be/sHVBVAGUwCg

والله أعلم

17 رأي على “”

  1. I’m the owner of JustCBD brand (justcbdstore.com) and am seeking to broaden my wholesale side of business. I am hoping someone at targetdomain give me some advice ! I thought that the most ideal way to accomplish this would be to connect to vape companies and cbd retailers. I was hoping if anybody at all could recommend a reliable web-site where I can get Vape Shop B2B Marketing List I am currently considering creativebeartech.com, theeliquidboutique.co.uk and wowitloveithaveit.com. Not sure which one would be the most ideal solution and would appreciate any assistance on this. Or would it be much simpler for me to scrape my own leads? Suggestions?

    رد

  16. Nice post. I was checking continuously this blog and I’m inspired! Extremely useful info specially the last phase 🙂 I deal with such information a lot. I used to be seeking this certain information for a very long time. Thanks and best of luck.

    رد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *