حبيب نينو

التاريخ يعيد نفسه ولا يلقن أحد العبر

مشكلتنا الكبرى مش في الضيء مشكلتنا في أن الناس ( وأني معاهم 😀 ) تلذغ من الجحر مرتين ، يعني بعد حرب 2011 الضي قص علي معظم ليبيا ونقصت البنزينة والسيولة علي معظم ليبيا ، الناس ماتفكرت كيف الشيء هذا صار وهل من الممكن يتكرر باه كان تكرر كيف نحاول أنه في الجايات مانكونش ضحية ، التفكر والاسئلة هذي هيا الي تخلق حلول في البعض من الناس أكتشف حلول لاكن بعد أستقر الضي صارله خمول من جديد وبعد 2014 رجع طاح في الفخ والمصايب من الجديد
قيمة الأموال الي انضخت في فترة 2012-2013 معظم الناس وظفو هدي الاموال في طريقة غير مستدامة ( واني واحد منهم 😀 ) وظفو الاموال او صرفوهم وماحسبوش انهم في دولة مافيهاش استقرار امني وسياسي ونسبة تكرار تدهور الأوضاع زي نسبة ظهور الشمس علي ليبيا كل يوم فا أني شخصيا حسب نظرتي للوضع وصلت أن أحسن نمط حياة يعيش بيه الواحد في الحرب نمط الأستقلال المعيشي والفكري والمادي ونعطيكم مثال :
1- بدال لاتقعد معتمد علي ضيء الدولة شغل حوشك بالطاقة الشمسية وألي تكلفة تشغيلها لي حوش كامل مرفق بي بئر مية توصل لي 20 ألف ، ليش طاقة شمسية أحسن حل لأنك كان بتخدم بمولد وبدات لما تكون في الجنوب لفلوس الي بتدفعهم في النافطة لما يحسبوهالك البتية ب200 في سنة تدفع تكلفة طاقة شمسية والمولد مش مستدام يبي صيانة واواوا
2- بما أنك درت طاقة شمسية أنسي البنزينة ومشاكلها ودير سيارة كهربائية وفي بعض السيارات تمشي لي 80 كيلو بعد شحنها ( يعني تكمل مشاويرك بالكامل ) وتكلفتها 10 الاف وضررها اقل علي البيئة كانك من جماعة متطوع من أجل ليبيا الحرة وكان أدير صحن انترنت فضائي تحل مشكلة النت وتحل مشكلة الاتصالات بكروت icall her ألي يسمحولك تتصل بالهواتف الثابتة والنقالة
3- الأستقلال المادي وهو أنك لازم تتعلم أنك متحطش فلوسك في المصرف بدات في وضع زي هكي وكان تحصل تقدم أستقالتك من الدولة وتوكل علي الله دور عمل في القطاع الخاص ألي يعطيك مرتبك في يدك أو توكل علي الله كان عندك فلوس وأفتح مشروع ( طبعا فتح مشروع في حالة الحرب عنده نظرية ونمط 😀 لازم تتبعها حتا هيا ) الشيء هدا يعطيك الحرية المالية ان ماتحكمش فيك الدولةوتشد عليك رزقك ومالك وفي نفس الوقت الأستقلال المالي مايتم إلا بوجود التدبير الجيد في المعيشة وحتا هدي عندها نمط بروحه
4- اهم نقطة في الكلام هذا ، الأستقلال الفكري تعرف كان ماتوصل لي مرحلة يكون عندك أستقلال فكري وملكية الفكر التحليلي النقدي للأحداث وقرائتك وتحليلك تكون مبنية بجميع أنماط الحياة كحكم الدين وتحليلك الاجتماعي والسياسي والاقتصادي ماتقدرش تطلع خارج السرب ألي ماشي للهاوية ، الشخص ألي مايمتلكش الشيء هذا حيعيش لي تم الحرب مش معروف امتا مرات زي العراق 13 سنة ومرات أكثر حتعيش سنة يضخولك سيولة وتحس ان الوضع تحسن وتتريح وبعد اتم الحكومة تمشي سنتين ثلاثة مترمد في جرة الصراع السياسي

مرة نحكي مع واحد ، علي موضوع العبرة من الحرب الي صارت في ليبيا وأنها أكبر الدروس ألي تحدث في الأنسانية ألي ألي من المفترض ان يتعلم منها الواحد ، والشخص ألي ياخد العبرة والحكمة من هذا الدرس العظيم ألي فيه فصول من الأسي والحزن والقهر والشقاء والبلاء والفرحة وجميع الشعور البشري
فا جبتله مثال علي درس أن ماهي دايما لي حد وتوقع أي شيء وأبسط مثال قتله حفتر ألي أمس كان أسير في تشاد ودار الزمن بعد 25 سنة يولي الرئيس التشادي يستقبل حفتر كرئيس أركان
فلما بدينا في الهدرزة علي حفتر وموضوعه نبهته علي نقطة أن أي شخص يأثر علي مجموعة من الناس ويخلي الناس هدو يتبعو كلامه ومرات توصل لمرحلة أن يقدمو أرواحهم إيمانا بفكره ، هو شخص يستطيع ان يغير الواقع سواء للأفضل أو الأسوء حسب نيته ، وأبسط مثال تأثير حفتر من المنطقة الشرقية ، سواء سلبيا أو ايجابيا كلا حسب تفسيره
ولما ننظرو لي مجلة فوربس لما تحط في قائمة أكثر الشخصيات تأثيرا لعام معين ممكن نلقو فيهم شخصيات يعتبرو من أكبر مجرمي العالم ، وكأبسط مثال أبوبكر البغدادي رئيس تنظيم داعش الي كان في القائمة لعام 2015 مع الرئيس بوتين واوباما ومارك زوكربيرغ والسيسي وغيره ، يعني تستغرب كيف يحطو شخصية متهمة بأرتكاب أبشع الجرائم جهارا نهار ( طبعا حتا بعض الرؤساء الي في القائمة مرتكبين جرائم ) لكن لما تحلل الموضوع تلقا الشخص هذا أثر بفكره علي 17 الف سعودي يقاتل مع تنظيم الدولة و10 الاف تونسي ومايقارب 10 الاف من مختلف الجنسيات الاوروبية ، وماننسو الليبيين وفي الي يقولك هديم مخابرات ، اوكي مخابرات لكن بقيادة البغدادي ضحكو علي 3000 ليبي يقاتلو معاهم حسب التقديرات ، فا هو فعلا شخص مؤثر

لما تجي لعالمنا الأسلامي ألي داره سيدنا محمد يعتبر تأثير ، لكن البعض يقولي هذا نبي باه توا أني مانبيش نقوللكم أثرو علي مجتمعاتكم من الناحية الدينية او الشرعية ( طبعا الأمر بالمعروف والنهي عن المنكر واجب ) بس حنتكلم علي الأمور الدنيوية

لما تجي تقرأ قائمة 50 شخصية أثرت في البشرية ( من ناحية الدنيوية طبعا ) نلقو شخصيات متناقضة في تصرفاتها ، مثلا تلقا أدولف هتلر وتلقا مارثن لوثر كينغ ولا تلقا ستيف جوبز وتلقا ستالين ، السبب من هذا أن الناس هذيم غيرو فعل أو شيء في حياة البشر ، مثلا هتلر أحتل نص العالم ، بينما أبراهيم لينكون كان سبب عدم أنفصال أميركا ، والشيء هدا باش وصلوله أستخدمو طرق جيدة او سيئة غيرو بيها مسيرة البشر يعني هتلر باش مسك نص العالم قتل وشرد وخطف وحرق ودار حاجات أثرن الامور هدي علي الدكتور والمهندس والسباك والخباز والغفير وساعي البريد علي جميع مناحي الحياة في النص ألي أحتله ومرات تأثر النص التاني بسبب شح الموارد او نزوح الجماعات واواواوا

فا أنتا ألي تقرأ في المنشور ، ورينا تأثيرك في العالم وين يكون أطمح تأثر ومش شرط في العالم مرات تأثر في منطقتك ( مش دير كتيبة ولا تصكر طريق كيف المؤثرين ألي في ليبيا توا لالا 😀ماهكذا تورد الابل ) أثر في حوشكم في مدرستك في عملك أثر بي شيء يكون لك مذكر خير وطيبة وصلاح من بعدك شيء يذكرك به العبد فيدعو لك بالمغفرة والثواب لأن العبرة علمتنا أن الذي سبقونا نحن لاحقيهم أن شاء الله وقال سيدنا محمد صلي الله عليه وسلم ( ﻣﻦ ﺳﻦ ﻓﻲ ﺍﻹﺳﻼﻡ ﺳﻨﺔ ﺣﺴﻨﺔ ﻛﺎﻥ ﻟﻪ ﺃﺟﺮﻫﺎ ﻭﺃﺟﺮ ﻣﻦ ﻋﻤﻞ ﺑﻬﺎ ﻣﻦ ﺑﻌﺪﻩﻻ ﻳﻨﻘﺺ ﺫﻟﻚ ﻣﻦ ﺃﺟﻮﺭﻫﻢ ﺷﻴﺌﺎ، ﻭﻣﻦ ﺳﻦ ﻓﻲ ﺍﻹﺳﻼﻡ
ﺳﻨﺔ ﺳﻴﺌﺔ ﻛﺎﻥ ﻋﻠﻴﻪ ﻭﺯﺭﻫﺎ ﻭﻭﺯﺭ ﻣﻦ ﻋﻤﻞ ﺑﻬﺎ ﻣﻦ
ﺑﻌﺪﻩ ﻻ ﻳﻨﻘﺺ ﺫﻟﻚ ﻣﻦ ﺃﻭﺯﺍﺭﻫﻢ ﺷﻴﺌﺎ )
مرات تأثيرك يكون بأحياء سنة من سنن الشرع كيف مادار رجل الأعمال #السعودي #الراجحي لما دار أكبر وقف خير في العالم وألي هيا مزرعة تمور هذي سنة هجرها بعض التجار ورجال الأعمال ، ولازم لازم لازم أنتا كمسلم تأثيرك يكون مراعي وغير منافي لشريعتك الأسلامية يعني ماتقولي نبي نكون مؤثر زي بابلو أسكوبار نكون أكبر تاجر حشيش يساعد في القضاء علي الفقر
#فكر_وأسعي_وأثر_ومتنساش_تعتبر
والله أعلم
حبيب نينو

لما الليبيين يوصلو لي قناعة أن معاد في ناس فيها خير ، يبقا لازم الحد يصيرله موقف يقنعه أن مازال في ، والسبب ألي خلا الناس معاد يبو يساعدو حد هو أفرازات الحرب ألي خلت بعض الناس يتجردو من أنسانيتهم او فطرتهم أو تربيتهم أو أخلاقهم توصل لدرجة يفوت عليك مايسلم ، يشبحك عاطلة بيك السيارة مايقفلكش ، يقول مرات في فخ ولا كذا ولكن مع هذا أني ألقيت الموقف متاعي وتبعو معاي باش تعرفوه
أيام الدراسة في سبها في كلية الزراعة كنا ننزلو لي سبها ولما نكملو شغلنا في سبها ، نمشو لي مكان يقولوله محلات 24 يعرفوه ناس سبها واهل الجنوب كلهم ، كنا نقفو غادي نديرو في فخ 😀 لأصحاب السيارات ألي ماشيين لي أوباري ولا مرزق وضروري يدرسو علي اخر نقطة فيها محلات في سبها باش ياخد عوالة الطريق ولا شيء ناقصه ، وقبل 2011 كان أي شخص وفي اي ساعة يرفعنا معاه وهو طالع من سبها ويحطنا في الكلية الي تبعد علمكان هذاك 4 كيلو تقريبا ،لدرجة مرات نكونو طالعين من سبها ساعة واحد ولا أتنين الليل نوقفو غادي ومرات يقفلنا حد نركبو معاه 3 ولا اربعة انفار
طبعا بعد ثورة صبعطاش فبراير 😀 بعد الحروب القبلية متاع سبها والسرقة والقتل والخطف واواواوا ونسبة جريمة زي كولومبيا ، صادفني موقفين يخلنك تفقد الأمل في الناس وليبيا ، الموقف الاول صارلنا مع واحد 16*16 كان عنده تيوتا بقرة درس احدي المحلات قريب أذان العشاء وهو طالع قتله نبو قدام ياباشا ، قالي حدي المزارع ، قتله احنا نبو قبل المزارع كلية الزراعة ، وفوق من هكي شبحت احدي المارشة القيته حاط مطبقة روسية ، قالي كم واحد معاك 😀 قتله 3 قالي سامحوني بس دنيا مفيهاش امان توا ودار اولي وطلع
وتمضي الايام : يجي الموقف التاني ألي هو في نفس المكان ونفس التوقيت ، يجي شيباني عنده سوناتا رصاصية ، وطبعا اني ديما المتحدث الرسمي بأسم الطلبة ألي يشيرو في الطريق :d والمتفاوض مع اصحاب التاكسيات وغيره ، قدمت وقتله قدام ياحاج وهو قبل لايفتح حتا سيارته قالي وين تبو قتله كلية الزراعة قالي عندك سلاح ؟؟؟ قتله لا ، قالي تفكو مني السيارة قتله لا 😀 سكت شوي قال كان خليناكم في هاليل مشكلة ، يلا امري لله 😀 وركبنا وهو فاقد الأمل ويفكر كيف يطلب منا نخلوه يطلب اتصال واحد بأهله قبل لانقتلوه 😀 طبعا الشيباني وهو يسوق بقلق قعد يحكيلنا علي ولد خوه من الزيعن الي جاي يزوره في مستشفي 2 مارس الي طعنه واحد في رقبته بعد وقف لي زوز انفار بيقدمهم في طريقه لاكن طعنوه 7 طعنات وخنبو السيارة ، وقعد يحكيلنا ان الدنيا معاش فيها امان وتوا مرات توقف لحد بدير فيه خير تلقا روحك في كفن ولا مستشفي الحوادث ، بعد نزلنا قدام الكلية وتريح ان مافكينا منه السيارة ولا قتلناه 😀 قلت للجماعة الي معاي هذي اكبر مشكلة ان الناس تفقد الأمل في بعضها وتوصل لي قناعة أنه معاش في خير وماديره حتا انتا ، فا رد عليا واحد إلا نديرو سيارات الفصول الجاية 😀
وتمضي الأيام ونسبة الجريمة قاعدة نفسها والناس فاقدة الأمل ، لي يجي يوم من الأيام وللأمانة كان عشية الوقت وني موقف قي نفس لمكان ونسأل واحد عنده تيوتا بقرا قتله قدام ، قالي هيا تفضل كان شبوب قنين ركبت واحنا في الطريق قالي ماشي للمزارع وماسألني السؤالي المعتاد متاع منين أنتا وشن قبيلتك “باش يعرف الوضع بين قبيلته وقبيلتك ويعرف كان يعامل يحسبلك قدر ولا لا 😀 ” وقعد يسأل فيا علي أمور الدراسة ويهدرز لي سحب من كيس محطوط في الكراسي الخلفيات باكو حلويات وفتحه وقالي تفضل وقتله لا واصر وني ماعنديش نية لي قالي ضوق حتا طرف باش يولي بينا عيش وملح ” كلمة الطيبة صدقة ” حقيقة الفارس هذاك خلاني علي قد مافقدت الامل في الناس ألي تغيرت استعدت امل ان في ناس طيبة وحقيقة ماني متذكر يوم من الايام اني وقفت حد وقالي كلمة شفعت لي مواقف ياسرة درهت ومدرهة كبدي

مرة نحكي مع واحد ، علي موضوع العبرة من الحرب الي صارت في ليبيا وأنها أكبر الدروس ألي تحدث في الأنسانية ألي ألي من المفترض ان يتعلم منها الواحد ، والشخص ألي ياخد العبرة والحكمة من هذا الدرس العظيم ألي فيه فصول من الأسي والحزن والقهر والشقاء والبلاء والفرحة وجميع الشعور البشري
فا جبتله مثال علي درس أن ماهي دايما لي حد وتوقع أي شيء وأبسط مثال قتله حفتر ألي أمس كان أسير في تشاد ودار الزمن بعد 25 سنة يولي الرئيس التشادي يستقبل حفتر كرئيس أركان
فلما بدينا في الهدرزة علي حفتر وموضوعه نبهته علي نقطة أن أي شخص يأثر علي مجموعة من الناس ويخلي الناس هدو يتبعو كلامه ومرات توصل لمرحلة أن يقدمو أرواحهم إيمانا بفكره ، هو شخص يستطيع ان يغير الواقع سواء للأفضل أو الأسوء حسب نيته ، وأبسط مثال تأثير حفتر من المنطقة الشرقية ، سواء سلبيا أو ايجابيا كلا حسب تفسيره
ولما ننظرو لي مجلة فوربس لما تحط في قائمة أكثر الشخصيات تأثيرا لعام معين ممكن نلقو فيهم شخصيات يعتبرو من أكبر مجرمي العالم ، وكأبسط مثال أبوبكر البغدادي رئيس تنظيم داعش الي كان في القائمة لعام 2015 مع الرئيس بوتين واوباما ومارك زوكربيرغ والسيسي وغيره ، يعني تستغرب كيف يحطو شخصية متهمة بأرتكاب أبشع الجرائم جهارا نهار ( طبعا حتا بعض الرؤساء الي في القائمة مرتكبين جرائم ) لكن لما تحلل الموضوع تلقا الشخص هذا أثر بفكره علي 17 الف سعودي يقاتل مع تنظيم الدولة و10 الاف تونسي ومايقارب 10 الاف من مختلف الجنسيات الاوروبية ، وماننسو الليبيين وفي الي يقولك هديم مخابرات ، اوكي مخابرات لكن بقيادة البغدادي ضحكو علي 3000 ليبي يقاتلو معاهم حسب التقديرات ، فا هو فعلا شخص مؤثر

لما تجي لعالمنا الأسلامي ألي داره سيدنا محمد يعتبر تأثير ، لكن البعض يقولي هذا نبي باه توا أني مانبيش نقوللكم أثرو علي مجتمعاتكم من الناحية الدينية او الشرعية ( طبعا الأمر بالمعروف والنهي عن المنكر واجب ) بس حنتكلم علي الأمور الدنيوية

لما تجي تقرأ قائمة 50 شخصية أثرت في البشرية ( من ناحية الدنيوية طبعا ) نلقو شخصيات متناقضة في تصرفاتها ، مثلا تلقا أدولف هتلر وتلقا مارثن لوثر كينغ ولا تلقا ستيف جوبز وتلقا ستالين ، السبب من هذا أن الناس هذيم غيرو فعل أو شيء في حياة البشر ، مثلا هتلر أحتل نص العالم ، بينما أبراهيم لينكون كان سبب عدم أنفصال أميركا ، والشيء هدا باش وصلوله أستخدمو طرق جيدة او سيئة غيرو بيها مسيرة البشر يعني هتلر باش مسك نص العالم قتل وشرد وخطف وحرق ودار حاجات أثرن الامور هدي علي الدكتور والمهندس والسباك والخباز والغفير وساعي البريد علي جميع مناحي الحياة في النص ألي أحتله ومرات تأثر النص التاني بسبب شح الموارد او نزوح الجماعات واواواوا

فا أنتا ألي تقرأ في المنشور ، ورينا تأثيرك في العالم وين يكون أطمح تأثر ومش شرط في العالم مرات تأثر في منطقتك ( مش دير كتيبة ولا تصكر طريق كيف المؤثرين ألي في ليبيا توا لالا 😀ماهكذا تورد الابل ) أثر في حوشكم في مدرستك في عملك أثر بي شيء يكون لك مذكر خير وطيبة وصلاح من بعدك شيء يذكرك به العبد فيدعو لك بالمغفرة والثواب لأن العبرة علمتنا أن الذي سبقونا نحن لاحقيهم أن شاء الله وقال سيدنا محمد صلي الله عليه وسلم ( ﻣﻦ ﺳﻦ ﻓﻲ ﺍﻹﺳﻼﻡ ﺳﻨﺔ ﺣﺴﻨﺔ ﻛﺎﻥ ﻟﻪ ﺃﺟﺮﻫﺎ ﻭﺃﺟﺮ ﻣﻦ ﻋﻤﻞ ﺑﻬﺎ ﻣﻦ ﺑﻌﺪﻩﻻ ﻳﻨﻘﺺ ﺫﻟﻚ ﻣﻦ ﺃﺟﻮﺭﻫﻢ ﺷﻴﺌﺎ، ﻭﻣﻦ ﺳﻦ ﻓﻲ ﺍﻹﺳﻼﻡ
ﺳﻨﺔ ﺳﻴﺌﺔ ﻛﺎﻥ ﻋﻠﻴﻪ ﻭﺯﺭﻫﺎ ﻭﻭﺯﺭ ﻣﻦ ﻋﻤﻞ ﺑﻬﺎ ﻣﻦ
ﺑﻌﺪﻩ ﻻ ﻳﻨﻘﺺ ﺫﻟﻚ ﻣﻦ ﺃﻭﺯﺍﺭﻫﻢ ﺷﻴﺌﺎ )
مرات تأثيرك يكون بأحياء سنة من سنن الشرع كيف مادار رجل الأعمال #السعودي #الراجحي لما دار أكبر وقف خير في العالم وألي هيا مزرعة تمور هذي سنة هجرها بعض التجار ورجال الأعمال ، ولازم لازم لازم أنتا كمسلم تأثيرك يكون مراعي وغير منافي لشريعتك الأسلامية يعني ماتقولي نبي نكون مؤثر زي بابلو أسكوبار نكون أكبر تاجر حشيش يساعد في القضاء علي الفقر
#فكر_وأسعي_وأثر_ومتنساش_تعتبر
والله أعلم
حبيب نينو

في صحفي امريكي اسمه سيباستيان جانغر كان مع الجنود الأمريكيين في منطقة ريستريبو في وادي كورنيقال في أفغانستان ، الشخص هذا عاش لاحظات مش ممكن يعيشهم أي شخص مع المقاتلين في الحرب ، عاش معاهم الكمائن وعاش معاهم الأنتصارات ولحظات الخوف ولحظات الندم ولحظات النشوة ، وتعرض أكثر من مرة للقتل وطبعا صديقه الصحفي ألي كان معاه مات في تغطية احداث مصراتة
الشخص هذا يقول ان عاش وشاف تجربة أطلق عليها تغير الحالة الذهنية للجنود وكيف ان الحرب أعطت فترة تواصل عميق بين الجنود ولاحظ بعدين أفتقاد المحاربين القدامى للحرب بعد عودتهم إلي اميركا

وبسبب ملكية الفكر التحليلي النقدي متاعه قعد يفسر ويحلل ويسترجع في الذكريات واللحظات باش يلقى الاجابة ؟ ! فا كانت الأجابة

أن الاشخاص الي عاشو المعارك هدي والكلام هدا ينطبق علي معظم الناس الي خاضت حروب ، أنصبغت فيهم ثقافة التسلسل العسكري في اصدار او أستقبال الأوامر ، وتعودو ان الاوامر هذي تتنفذ ؟ ليش ؟ لأن الاشخاص ألي معاه أصلا في الفيلق أو الكتيبة او المجموعة ألي تقاتل ، تعرف وتؤمن ان أي شخص ماينفذ الاوامر او يتخاذل يعرض حياته أو حياته اصحابه لخطر الموت مايسببله الشعور بذنب أو غيره من الامور ، فا لما يروحو لي اميركا يلقو أوامرهم بصفتهم قادة سابقين لاتنفذ من قبل الناس ولو أقربهم كأبن او اخ او جار
ولما تم رفض اوامرهم يكونو مستعدين يستعملو القوة لردع الطرف الاخر ، لأنهم تعودو في الحرب الي ماينفذ الاوامر يدخل في خانة الخائن ، يعدم او يحبس او ردعه

الموضوع هذا خلق نسبة من تبادل التقدير والاحترام بين المقاتلين ، وخلق بيئة تواصل عميق ، لأن الشخص ألي مايعرفش وقت وفاته مايقدر يفشي أسرار لأن يخاف يطيح من اعين الناس او تستخدم هدي الاسرار ضده او تقلل من قدره لاكن في وقت المعركة تلقاه في وقت الفراغ يفضفض لأصحابه عن مشاعره وأفكاره ، مايزيد يعمق التواصل

البعض منهم من كثرة أن تعود علي بيئة الحرب بسبب قضاء وقت طويل فيها يتأثر بتصرفاتها ، فا تلقا ساعة يده من النوعية الي ضيها مايبانش ” عسكرية “في الليل وتلقاه يطفي في ضيء الحوش القدامي

وفي نقطة دقيقة نبهني ليها صديقي صلاح البطي مرة وهي الثقة ، وجابلي مثال أن الناس ألي كانت تقاتل في 2011 بعد شعرهم طول ماحلقوه وماعتبروه بايخ زي ايام قبل الحرب ، ليش لأن بعد خاضو الحرب والمعارك ونجاة الشخص من اكثر من معركة تزيد تقته بنفسه

الصحفي هذا وصل لي حاجة ألا وهي أن الحكومة كان ماوفرت مسار أعادة ضبط نفسي للجنود ماحيتأقلمو سريعا في المجتمع ، حتكون عندهم قابلية أنهم ينخرطو في اي حرب وفي أي وقت باش يولو يحسو بان عندهم دور يقيمو فيهم في المجتمع وترجع مكانتهم وقيمتهم الأجتماعية ، لانهم يبو يقودو يبو يأمرو يبو يشكروا

البعض يستغرب شن الي خلا حفتر يولي بعد 25 سنة ويرجع للقتال حفتر الله أعلم ماشقيتش قلبه سواء كان عميل أو وطني لاكن نقدر نجزم بأن نسبة كبيرة لعودته بسبب الشعور ألي جربه وقضى معاه مدة طويلة في تشاد والبعض يستغرب من بعض قادة المعارك الي تلقاه مرة مع معمر ومرة فجر ليبيا ومرة كرامة وبعدين حيمشو لداعش ، الناس هذي خلاص هذي حياتها حيمشي هكي لي يغتالوه او يموت في وحدة من المعارك ضد الطرف الي يقاتل فيه

فا الناس هذي حلها زي ماقلت مرة في وحدة من المناشير ، يسلمو مراكز قيادية في حاجات تقدم شيء ملموس للشعب ، ﻷنهم هما اكثر ناس مستعدين يخاطرو ويهبو حياتهم لأنهم جربو اكثر من مرة وفازو بشيء ألي راهنو بحياتهم مقابله وشيء هذا زاد نسبة مغامرتهم وايمانهم أن مافي حد يموت ناقص عمر ، سلموهم اجهزة مكافحة الفسادة سلموهم أدارة الحدود سلموهم حاجات دير تغيير ملموس للشعب وتخليهم يعطو الاوامر

والله اعلم
حبيب نينو

كل فترة وكل عصر في حياة الشعوب سواء من نهضاتها الأقتصادية أو في كوارثتها الطبيعية أو في حروبها سواء الأهلية أو غيره ، ضروري يكون في شخص مثقف ومش شرط يكون يقاتل في الميدان وأذا كان مثقف ويقاتل من أجل قضية كقصة تشي غيفارا يلاقي الأحترام والأنصات من الجماهير أكثر ، في الحقيقة توجد العديد من الشخصيات عبر العصور ومن ضمنها في العصور الحديثة ونستون تشرشل ألي كانت اوروبا كلها تسمعله في الراديو لما كان يتكلم في الحرب العالمية التانية ، وغوبلز ألي كان أكثر من 70 مليون ألماني يؤمن بقناعاته وفكره ، وكشخصيات عربية من ابرز الشخصيات وألي عاصرت أكثر من 7 رؤساء حكمو مصر قدم لهم الأستشارات والتوجيه ، وكتبه يلاقو في أقبال كبير ، ألي هو حسنين هيكل
الدولة أو اي شعب او أي مجتمع تكون فيه شخصية زي هكي تملك القدرة علي تحليل المعطيات بطريقة ممتازة وتكون ملمة ونزيد نعاود ملمة بدراسة تجارب الشعوب وتعاطيها مع مشاكلها وتجاربها ، وتكون شخصية تأخذ العبرة من الحياة وسنتها ، ويكون أنسان مثقف ولما نقول مثقف مانقصدش ألي محضر دكتوراء علي تأثير النمل علي زراعة القمح في اوباري والناس مكبرين بيه علي اساس حاجة كبيرة ومانحكي علي ألي يزور خمس بلدان في أوروبا ويطلعلي بعدين في التلفزيون يقولي توا في فنلدا يديرو ويديرو ، نتكلم علي ناس عادة اذا كانو مثقفين حيكونو كمثقفي فرنسا المتكبرين 😀 ألي طلبهم رئيس جمهورية فرنسا فرانسوا ميتيران وأجابه أعضاء القصر الرئاسي ان نقدرو نجيبولك رجال أعمال وفلاسفة وكتاب وباحثين ومؤرخين ومن تريد ، بس مثقفين مانقدروش ،هذا بسبب مكانة المثقف عندهم والتي لا يمكن التحصل عليها بمال أو أنتخاب وماننسو يكون أنسان صادق يبحث عن مصلحة الوطن ولا يضحي بشعبه أو أمته من اجل حساب شخصي او نزوات او تخاذل أو عمالة ، الشخص هذا اذا وجد في شعب تأكد أن الشعب هذا حينجح ، وفي نفس الوقت الشخص هذا مايتكررش في كل بلد ومش معروف شن الي يساعد علي نمو عقل مشابه لي هذه الشخصيات ، بس هل هو صدفة أو بوجود سبب دنيوي والله أعلم

من أمثلة الشخصيات ألي نحكي عليها شخص مثقف أسمه ديموند بيرك ، وهو من احد المثقفين الرافضين للثورة الفرنسة ، ومن ضمن من توقع توقعات حول المذابح والهرج والمرج الذي سيحدث وسيتمر لعقد وقد أستمر 17 سنة أي عقد وثلثي العقد في فرنسا ، ديموند بيرك كشخص يعرف تفاصيل شخصية الأنسان المريض أو الناقص نفسيا ، ورفضه لتسليم مصير وطن لصعاليك أو ماقال عنه الرسول الرويبضة وألي عبر عليهم ديموند في وحدة من أحاديثه بقوله ، ﻓﻲ ﻛﺘﺎﺑﻪ “ﺗﺄﻣﻼﺕ ﺣﻮﻝ ﺍﻟﺜﻮﺭﺓ
ﻓﻲ ﻓﺮﻧﺴﺎ :” ( ﻫﻞ ﻋﻠﻲ ﺣﻘﺎ ﺗﻬﻨﺌﺔ ﺭﺟﻞ ﻣﺠﻨﻮﻥ ﺳﺒﻖ ﻟﻪ ﺃﻥ ﻫﺮﺏ ﻣﻦ ﻣﺮﻛﺰ ﺭﻋﺎﻳﺔ ﺃﻓﻠﺖ ﻣﻦ ﺍﻟﻈﻠﻤﺔ ﺍﻟﺘﺎﻣﺔ ﻓﻲ ﺣﺠﺮﺗﻪ ﻭﺫﻟﻚ ﻋﻠﻰ ﻋﻮﺩﺗﻪ ﺇﻟﻰ ﺍﻻﺳﺘﻤﺘﺎﻉ ﺑﻀﻮﺀ ﺍﻟﻨﻬﺎﺭ ﻭﺍﻟﺤﺮﻳﺔ؟ ﻫﻞ ﻋﻠﻲ ﺗﻬﻨﺌﺔ ﻗﺎﻃﻊ ﻃﺮﻳﻖ ﻭﻣﺠﺮﻡ ﺗﻤﻜﻦ ﻣﻦ ﺍﻗﺘﺤﺎﻡ ﺳﺠﻦ ﺑﻌﺪ ﺍﺳﺘﻌﺎﺩﺗﻪ ﺣﻘﻮﻗﻪ ﺍﻟﻄﺒﻴﻌﻴﺔ؟ ) ﺗﻮﻗﻊ ﺑﻴﺮﻙ ﺍﻟﻄﺒﻴﻌﺔ ﺍﻟﻌﻨﻴﻔﺔ ﻟﻠﺜﻮﺭﺓ ﺍﻟﻔﺮﻧﺴﻴﺔ ﻓﻲ ﻣﺮﺣﻠﺔ ﻣﺒﻜﺮﺓ ﺟﺪﺍ. ﻧﺸﺮﺕ ﺗﻠﻚ ﺍﻟﻜﻠﻤﺎﺕ ﻓﻲ 1 ﺗﺸﺮﻳﻦ ﺍﻟﺜﺎﻧﻲ ﻣﻦ ﺍﻟﻌﺎﻡ .1790

وهذا حاصل في ليبيا
وقال أيضا :  ﻳﻈﻦ ﺍﻟﻤﺒﺘﺪﻉ ﺃﻥ ﻋﻘﻠﻪ ﺍﻟﻤﺠﺮﺩ ﻟﻴﺘﻔﻮﻕ ﻋﻠﻰ ﻛﺎﻓﺔ ﺍﻟﺠﻬﻮﺩ ﺍﻟﺘﻲ ﺑﺬﻟﻬﺎ ﺳﺎﺑﻘﻮﻩ ﻣﺠﺘﻤﻌﻴﻦ. ﺃﻣﺎ ﺍﻹﺻﻼﺣﻲ ، ﻓﻲ ﺍﻟﻤﻘﺎﺑﻞ ، ﻓﻴﺴﻌﻰ ﺇﻟﻰ ﺍﻟﻮﻗﻮﻑ ﻋﻠﻰ ﺃﻛﺘﺎﻑ ﺃﺳﻼﻓﻪ، ﻓﺤﺘﻰ ﻭﺇﻥ ﻗﺼﺮﺕ ﻗﺎﻣﺘﻬﻢ ﻣﻬﻤﺎ ﻗﺼﺮﺕ، ﻳﻜﻮﻥ ﺑﺎﺳﺘﻄﺎﻋﺘﻪ ﺃﻥ ﻳﻤﺪ ﻳﺪﻳﻪ ﺇﻟﻰ ﻣﺎ ﻫﻮ ﺃﻋﻠﻰ ﻭﻟﻮ ﻗﻠﻴﻼ. ﻭﻋﻼﻭﺓ ﻋﻠﻰ ﺫﻟﻚ، ﻓﺎﻟﻤﺒﺘﺪﻉ ﻳﻈﻦ ﻧﻔﺴﻪ ﻓﻮﻕ ﺍﻟﻄﺒﻴﻌﺔ ﺍﻟﺒﺸﺮﻳﺔ ، ﺃﻭ ﺣﺘﻰ ﺇﺭﺍﺩﺓ ﺍﻟﻠﻪ، ﻓﻬﻮ ﻻ ﻳﺴﻌﻰ ﻓﻘﻂ ﻻﺣﺘﻮﺍﺀ ﺃﻭ ﺗﺤﺠﻴﻢ ﺍﻟﺸﺮ، ﺑﻞ ﻟﻠﻘﻀﺎﺀ ﻋﻠﻴﻪ ﻛﻠﻴﺔ، ﻭﻛﻠﻤﺎ ﺍﺯﺩﺍﺩﺕ
ﻣﺤﺎﻭﻻﺗﻪ ﺟﺬﺭﻳﺔ ﻛﻠﻤﺎ ﺗﻮﻟﺪ ﻋﻨﻬﺎ ﺷﺮ ﺃﻛﺒﺮ . ﻣﻦ ﻫﺬﺍ ﺍﻟﻤﻨﻄﻠﻖ ، ﺗﻨﺒﺄ ﺑﻴﺮﻙ ﺑﺎﻟﻤﺴﺘﻘﺒﻞ ﺍﻟﺪﻣﻮﻱ ﻟﻠﺜﻮﺭﺓ ﺍﻟﻔﺮﻧﺴﻴﺔ ﻭﺗﺤﻮﻟﻬﺎ ﻓﻲ ﻧﻬﺎﻳﺔ ﺍﻟﻤﻄﺎﻑ ﺇﻟﻰ ﺩﻳﻜﺘﺎﺗﻮﺭﻳﺔ جهوية وغيره

أحنا لو كان عندنا ناس زي الشخص هذا ، طبعا هو من المفترض أن نسمعو لعلماء الدين لاكن احنا اصبحنا في زمن تسمع فيه الناس للمثقفين اكثر من علماء السنة ، فا أحنا لو عندنا شخص زي ديموند ويكون قاري تجارب ياسرة يكون علي الأقل وضحلنا بعض مخاطر ألي قاد أليها البعض الدولة ، ويعقلو بعض الناس ألي مايبوش يحبو يسمعو دلالات المثقفين وليس العلماء

أضافة : قبل سنة تم تأليف كتاب وأذا كان يدل هذا التأليف ورجوع الباحثين لأفكار شخص كان ينشرها في القرن ال18 عشر هو أحداثها لﺟﺪﻝ ﺣﻮﻝ ﻗﻀﺎﻳﺎ ﺍﻟﻌﺼﺮ ﺃﻭ ﻣﻮﺿﻊ ﺗﺄﺛﻴﺮ ﻓﻰ ﻣﺴﺎﺭ ﺍﻟﻌﺼﺮ. والكتاب عبارة عن المناﻇﺮﺓ ﺍﻟﻜﺒﺮﻯ ﺍﻷﻭﻟﻰ ﺍﻟﺘﻰ ﺣﺪﺛﺖ ﺑﻴﻦ ﻓﻴﻠﺴﻮﻓﻴﻦ ﺍﻧﺠﻠﻴﺰﻳﻴﻦ ﻣﻦ ﺍﻟﻘﺮﻥ ﺍﻟﺜﺎﻣﻦ ﻋﺸﺮ ﻭﻫﻤﺎ ﺍﺩﻣﻮﻧﺪ ﺑﻴﺮﻙ Edmund Burke ﻭﺗﻮﻣﺎﺱ ﺑﻴﻦ Thomas Paine . ﻭﻗﺪ ﻛﺎﻧﺖ ﻫﺬﻩ « ﺍﻟﻤﻨﺎﻇﺮﺓ ﺍﻟﻜﺒﺮﻱ» ﻫﻰ ﻋﻨﻮﺍﻥ ﻛﺘﺎﺏ ﻟﻤﻔﻜﺮ ﺃﻣﺮﻳﻜﻰ ﻣﺆﺳﺲ ﻣﺠﻠﺔ « ﻧﺎﺷﻮﻧﺎﻝ ﺃﻓﻴﺮﺯ» ﻭﺭﺋﻴﺲ ﺗﺤﺮﻳﺮﻫﺎ ﻳﻮﻓﺎﻝ ﻟﻔﻴﻦ Yuval Levin. ﻭﺍﻟﺬﻯ ﺩﻋﺎﻩ ﺇﻟﻰ ﺗﺄﻟﻴﻒ ﺫﻟﻚ ﺍﻟﻜﺘﺎﺏ ( 2014) ﻫﻮ ﺃﻥ ﻛﻼً ﻣﻦ ﺑﻴﺮﻙ ﻭﺗﻮﻣﺎﺱ ﺑﻴﻦ ﻛﺎﻥ ﻣﻬﻤﻮﻣﺎً ﺑﺎﻟﺜﻮﺭﺗﻴﻦ ﺍﻷﻣﺮﻳﻜﻴﺔ ﻭﺍﻟﻔﺮﻧﺴﻴﺔ ﻣﻊ ﺗﺒﺎﻳﻦ ﺭﺃﻳﻬﻤﺎ ﺇﻟﻰ ﺣﺪ ﺍﻟﺘﻨﺎﻗﺾ

والله أعلم
حبيب نينو

مش يقولو كما ” تدين تدان ” و ” الدنيا سلف ورداد ” وياداير يالاقي خلاص مرات 😀 أحنا نخلصو في فاتورة تدخل معمر في دول أفريقيا وأميركا اللاتينية وغيرهن ألي دعم فيهن ميليشيات وغيره من الحركات للسيطرة علي حكم بعض الدول أو المساعدة علي الأنقلاب علي السلطة أو لأغراض خاصة بيه أبسط مثال نذكروه ، في التسعينات في حركة أنقلابية حاولت السيطرة علي السلطة في سيراليون و عززوا صفوفهم بمسلحين ناقمين تابعين للجبهة الثورية الموحدة وهو تنظيم مسلح يقوده عريف سابق في الجيش تلقى تدريبه ودعمه العسكري من ليبيا يدعى ( خولي فنكول). عُرف زعيم هذا التنظيم بتمرده الدائم على كل الحكومات التي تعاقبت على السلطة في سيراليون منذ 91 بهدف السيطرة على مناطق الذهب والألماس اللذان هما بمثابة النفط في سيراليون وغيره وغيره من كثير من الدول ألي تدخل فيهم معمر
” فا توا أي مسؤل جديد يمسك الدولة يشقالنا بالأمن القومي الداخلي والأقليمي المحيط بينا وألي مأثر علينا مش يقعد يدعملي في حركة ثورية في الغابون ولا نيكارغوا ” 😀
وفي حاجة تانية ماتلبس أخطاء وتجاوزات الحكومة لشعب نفسه
كمثال تركيا فيها أكثر من 100 مليون مواطن صح ، تجاوزات أوردغان كانت كثيرة لاكن هذا مايعني أن الشعب نفسه راضي عن ألي صاير وفي أصلا من الأتراك ماهو مدور القضية الليبية وماهو هامه شيء في السياسة كذلك الأمارات ومصر وتونس والسودان وقطر نفس الشيء ، وتوقع أن النظرة ألي ينظرو فيها الليبيين حاليا لي القطريين هيا نفسها النظرة ألي كان ينظرو فيها بعض مواطني الدول ألي يلومو في معمر أن هو سبب الخراب والفتنة فبلادهم.

والله أعلم
حبيب نينو