باش دير أسم مميز ومعروف في السوق الليبية حتخدم سنين وحتدفع قيم مالية كبيرة على التسويق والدعاية ، لاكن تخايل يوم من الأيام رجعت أنظمة الدولة تخدم كويس وطلب منك الحرس البلدي أو وزارة الأقتصاد تخدم برخصة أو بشركة ، وأكتشفت أنك ماتقدرش تاخد نفس الأسم ألي أنعرفت بيه لأنه في حد تاني يمتلكه ، حتكتشف حجم الخسارة ألي حتصيرلك لما بتغير الأسم وتحاول تعّرف بأسمك وهويتك التجارية الجديدة
لذلك من الخطوات المهمة في حالة أستراتيجيتك طويلة المدى وتبي تبني أسم على مستوى ليبيا أو أقليميا ، وثق الأسم قانونيا
ملاحظة : توا في عصر الأنترنت لازم تاخد حتى نطاق بنفس أسم الشركة قبل لايسبقوك ليه ، والنطاق ألي هو أسم الموقع ألي بعد www
والله أعلم
حبيب نينو