باش أحنا في ليبيا نتحولو للعالم الرقمي وباش تكون حلول المشاكل ألي عندنا تقنية ، لأنها الأسرع والأقل تكلفة لازم يكون عندنا عدد كبير وكافي من المبرمجين ألي مستعدين يحولو أفكار الناس إلي منتجات ، وحاليا أحنا في ليبيا نعانو من عدم توافق أو مناسبة مخرجات الكليات مع متطلبات السوق ، وهذا مسبب أنه في ندرة في مبرمجين الأيفون والأندرويد وهذا يخلي الواحد بدال لايمشي يشوف مبرمج يحوله فكرته لي منتج واقعي وينضم معاه للفريق ، يضطر أنه يدور شركة تخدمله الشيء هذا وبأسعار الدولار الحالية في ليبيا مايقدرش يخدم برا ليبيا فا يضطر أنه يخدم مع شركة محلية ونادر تحصل شركة محلية ذات كفاءة ، بس في شباب واجدين قعدوا يأسسوا في شركات زي وي كرييت وسديم وحتى العنكبوت الليبي كويسين فا نتمنوا من الشركات هذي تحسن جودة عملها وتبني أفرقة قوية باش تحقق أماني أصحاب الأفكار لتحويل أفكارهم إلى شيء واقعي وهذا ألي يصنع قصة نجاح
والله أعلم
حبيب نينو